Albania News Agency

Forcat Mbrojtëse të Izraelit (IDF) njoftuan në rrjetet sociale se gjatë një operacioni kundër terrorizmit në qytetin Hebron, në Bregun Perëndimor, u zbulua një hapësirë nëntokësore pranë shtëpisë së njërit prej sulmuesve të përfshirë në përplasjen e ndodhur gjatë fundjavës.

Sipas deklaratës, hapësira u zbulua gjatë kontrolleve të gjera të kryera në më shumë se 500 vende. Nga hetimet paraprake rezulton se hapësira është rreth 15 metra e thellë dhe 75 centimetra e gjerë, ndërsa vlerësohet se nuk ka një dalje. Ushtria izraelite sqaroi se hapësira ndodhet brenda qytetit të Hebronit dhe nuk është pranë asnjë vendbanimi izraelit.

U bë e ditur se një pajisje elektronike e gjetur brenda hapësirës iu dorëzua forcave të sigurisë për ekzaminim dhe se hetimet për këtë çështje po vazhdojnë.

Operacioni nisi pas përplasjes së fundjavës në Hebron, ku humbën jetën rreshteri i parë Ron Yonatan Roytman dhe rreshteri Yuval Shai Svilam, ndërsa tre ushtarë të tjerë u plagosën lehtë. Ushtria izraelite njoftoi se në zonë po vazhdojnë kontrollet e gjera, arrestimet e të dyshuarve dhe sekuestrimi i armëve dhe mjeteve të paligjshme.