Albania News Agency

Sipas CCTV, Garda Revolucionare Islamike e Iranit (IRGC) deklaroi se në trafikun detar përmes Ngushticës së Hormuzit nuk do të lejohet kalimi i asnjë anijeje të lidhur me vendet që mbështesin SHBA-në dhe Izraelin.

Forcat Detare të IRGC-së bënë të ditur se kanë kthyer pas tre anije kontejnerësh që iu afruan korridorit, i cili sipas tyre është i hapur vetëm për anije të caktuara, dhe paralajmëruan se ngushtica është de facto e mbyllur dhe çdo përpjekje për shkelje do të ketë pasoja serioze.

Në deklaratë, ku u përmendën edhe komentet e presidentit të SHBA-së Donald Trump se ngushtica është e hapur, u pretendua se këto deklarata janë “çorientuese”.

IRGC gjithashtu u bëri thirrje civilëve në vendet e rajonit që të largohen menjëherë nga zonat përreth vendeve ku ndodhen forcat amerikane.