Albania News Agency

Presidentja e Komisionit Evropian, Ursula von der Leyen, deklaroi se rreziku i zjarreve pyjore në të gjithë Evropën vazhdon të mbetet në nivel të lartë.

Von der Leyen tha: “Evropa vazhdon të mbetet në gatishmëri të lartë për zjarret”, duke theksuar se presioni nga zjarret po rritet në Belgjikë, Shqipëri, Serbi, Mal të Zi dhe Bosnjë e Hercegovinë.

Von der Leyen bëri të ditur se sistemi satelitor Copernicus po mbështet punën e hartëzimit në Spanjë, Shqipëri, Greqi, Francë, Gjermani dhe Serbi, duke shtuar se Evropa po monitoron nga afër zjarret në të gjithë kontinentin përmes Qendrës së Koordinimit të Reagimit ndaj Emergjencave.

Von der Leyen deklaroi se Mekanizmi i Mbrojtjes Civile vihet në veprim kur një vend kërkon solidaritet nga Evropa.