Albania News Agency

Presidentja e Komisionit të Bashkimit Evropian (BE), Ursula von der Leyen, foli për vendimet e marra ndaj Iranit në takimin e ministrave të jashtëm të BE-së.

Duke mbështetur vendimet për sanksione, von der Leyen tha: “E mirëpres marrëveshjen politike të arritur për sanksione të reja kundër regjimit vrasës iranian. Dhe për shpalljen e Gardës së Revolucionit Islamik si organizatë terroriste. Kjo duhej të ishte bërë shumë kohë më parë”.

Duke folur për ndërhyrjen e regjimit ndaj protestave, von der Leyen u shpreh: “Ta quash ‘terrorist’ një regjim që shtyp me gjak protestat e popullit të vet është plotësisht e drejtë. Evropa është në krah të popullit iranian në luftën e tij të guximshme për liri”.