Albania News Agency

Presidenti i Ukrainës Volodymyr Zelenski tha se po bëhen përgatitje për takimet e ardhshme me palën amerikane dhe miqtë evropianë.

Duke theksuar se Berlini do të presë shumë aktivitete, Zelenski bëri të ditur se Umerov dhe ekipi negociator do të japin një informim mbi kontaktet e mëparshme.

Zelenski shtoi gjithashtu:

“Gjenerali Hnatov dhe përfaqësuesit e sektorit të mbrojtjes dhe sigurisë së Ukrainës do të punojnë mbi detajet e garancive të sigurisë për Ukrainën dhe ukrainasit. Ndërkohë, zyrtarët e qeverisë ukrainase vazhdojnë bisedimet me Shtetet e Bashkuara dhe Evropën për rimëkëmbjen dhe zhvillimin real të Ukrainës pas luftës.”