Albania News Agency

Presidenti i Ukrainës, Volodimir Zelenski, njoftoi se një anije civile në pronësi të Turqisë, që transportonte misër, u sulmua nga dy dronë rusë në ujëra neutrale.

Zelenski tha se në anije ndodheshin shtetas të Azerbajxhanit dhe Indisë, se kapiteni i anijes humbi jetën dhe se gjendja e një personi tjetër ende nuk është përcaktuar. Zelenski bëri të ditur se 11 anëtarë të ekuipazhit u shpëtuan dhe se njëri prej tyre u plagos.

Zelenski tha se Ukraina ka propozuar hapa konkretë për uljen e tensioneve dhe garantimin e sigurisë në Detin e Zi, duke shtuar se propozime përkatëse kanë ardhur edhe nga vende të treta.

Zelenski pretendoi se Rusia zgjedh sulmet në vend që të sigurojë lundrimin e sigurt të anijeve civile dhe tha se duhet ushtruar presion për të rivendosur sigurinë globale ushqimore.