Albania News Agency

Presidenti i Ukrainës, Volodymyr Zelenski, duke dhënë informacion për kontaktet e fundit me zyrtarët amerikanë, deklaroi se kishin marrë detaje për bisedimet në Moskë dhe theksoi se duhet të krijohen kushtet e nevojshme për përfundimin e luftës.

Duke bërë të ditur se ishin informuar për kontaktet në Moskë, Zelenski tha: “Sot morëm informacion nga pala amerikane për takimet që u zhvilluan në Moskë disa ditë më parë. U mbajtën një sërë takimesh. Kemi biseduar edhe para takimeve dhe tani kemi biseduar sërish me amerikanët”.

Duke iu referuar qëndrimit të SHBA-së dhe hapave të ndërmarrë, Zelenski tha: “Faleminderit për informacionin dhe për tonin e nevojshëm të bisedimeve me Rusinë. Vlerësojmë koordinimin e hapave dhe faktin që Amerika paraqet një vizion realist për atë që duhet bërë dhe atë që duhet arritur”.

Zelenski e përfundoi deklaratën e tij me fjalët: “Rusia duhet t’i japë fund luftës dhe duhet të krijohen të gjitha kushtet e nevojshme që kjo të ndodhë”.