Albania News Agency

Presidenti i Ukrainës Volodimir Zelenski bëri thirrje për përshpejtimin e procesit të anëtarësimit në Bashkimin Evropian (BE), duke thënë se një nga përgjigjet më të forta të Evropës ndaj sulmeve dhe qëndrimit agresiv të Rusisë është përshpejtimi i pranimit të Ukrainës.

Duke folur në Konferencën Ndërqeveritare të BE-së, Zelenski tha se procesi i hapjes së kapitujve të negociatave duhet të përshpejtohet dhe theksoi se Ukraina i ka përfunduar tashmë përgatitjet e nevojshme.

Zelenski tha se Ukraina është detyruar të bëjë më shumë përpjekje se vendet e tjera në rrugën drejt BE-së dhe se meriton një proces më të shpejtë anëtarësimi.

Ai shtoi se Ukraina është e gatshme për hapjen e të gjitha grupkapitujve të negociatave dhe theksoi se të gjitha palët në Evropë janë të vetëdijshme për këtë, duke bërë thirrje që pas hapjes së grupkapitullit të parë, pesë të tjerët të hapen pa vonesë.