Albania News Agency

Presidenti i Ukrainës, Volodimir Zelenski, njoftoi se në kuadër të procesit të anëtarësimit të vendit të tij në Bashkimin Evropian (BE) janë hapur zyrtarisht grupet negociuese 2 dhe 3.
Në një deklaratë në rrjetet sociale lidhur me këtë çështje, Zelenski tha se ishte kaluar edhe një hap kritik në rrugën drejt BE-së dhe falënderoi ministrin e Jashtëm të Irlandës, Micheál Martin, presidentin e Këshillit të BE-së, presidenten e Komisionit Evropian Ursula von der Leyen dhe të gjitha vendet anëtare të BE-së për mbështetjen e tyre.
Duke shprehur mirënjohjen ndaj të gjithë atyre që luftojnë për të ardhmen e Ukrainës dhe sigurinë e Evropës, Zelenski tha: “Së bashku jemi një Evropë më e fortë. Është e rëndësishme që të gjithë ta ruajmë këtë ritëm, në mënyrë që deri në fund të vitit të hapen edhe dy grupet e mbetura negociuese dhe kështu të jenë hapur të gjashtë grupet negociuese. Ukraina e meriton këtë.”