Albania News Agency

Presidenti i Ukrainës, Volodymyr Zelensky, deklaroi se ka mbërritur në Stamboll së bashku me delegacionin që e shoqëron për të zhvilluar bisedime me presidentin e Turqisë, Recep Tayyip Erdoğan.

Zelensky theksoi se gjatë bisedimeve do të diskutohen forcimi i sigurisë së popullit ukrainas, zhvillimi i partneritetit dypalësh me Turqinë dhe mundësitë për një zgjidhje diplomatike. Ai shtoi se në rendin e ditës do të jenë edhe çështje të rëndësishme që lidhen me transportin detar në Detin e Zi.

Zelensky njoftoi gjithashtu se gjatë vizitës së tij në Stamboll është planifikuar një takim me Patriarkun Ekumenik Bartolomeu. Ai falënderoi të gjithë ata që mbështesin Ukrainën.