Albania News Agency

Presidenti i Ukrainës Volodymyr Zelensky bëri një postim në rrjetet sociale lidhur me takimin e tij me Mbretin e Mbretërisë së Bashkuar, Charles III. Zelensky theksoi se gjatë takimit pati mundësinë të shprehë mirënjohjen për mbështetjen e dhënë ndaj Ukrainës.

Në postimin e tij, Zelensky u shpreh: "Falënderoj Madhërinë e Tij Mbretin Charles III që më priti. Ishte e rëndësishme për mua të kisha mundësinë ta falënderoja personalisht për mbështetjen e palëkundur ndaj Ukrainës".

Duke theksuar vlerësimin për ndihmën e siguruar nga Mbretëria e Bashkuar, Zelensky tha: "Vlerësojmë lart të gjithë ndihmën e dhënë nga Mbretëria e Bashkuar".