Albania News Agency

Presidenti i Ukrainës Volodymyr Zelensky dekoroi me çmime shtetërore ushtarakë dhe civilë që shërbejnë në nivele të ndryshme të shtetit me rastin e Ditës së Kushtetutës së Ukrainës.

Gjatë ceremonisë, Herojve të Ukrainës iu dorëzuan dekoratat "Ylli i Artë", ndërsa çmimet e ushtarëve të rënë iu dorëzuan familjeve të tyre.

Zelensky tha: "Gjithashtu ndava dekorata për Ministrin e Brendshëm të Ukrainës Ihor Klymenko, Kryepeshkopin e Kishës Ortodokse të Ukrainës, Mitropolitin e Kievit dhe të gjithë Ukrainës Epifaniy, kampionen tonë të shumëfishtë Liudmyla Luzan, korrespondentin e luftës Andriy Tsapliyenko, si dhe shpëtimtarët dhe policët që mbrojtën Katedralen e Shpërfytyrimit pas sulmit rus. Falënderoj secilin prej jush dhe të gjithë ata që me punën, fjalët, besimin dhe veprat e tyre mbështesin Ukrainën dhe popullin tonë. Faleminderit të gjithëve që ndihmojnë në ndërtimin e një shteti të lirë dhe të fortë, i cili sot lufton për lirinë dhe pavarësinë e tij dhe me siguri do t'i mbrojë ato."