Albania News Agency

Presidenti i Ukrainës, Volodymyr Zelensky, tha se aktualisht sfida më e madhe janë sulmet ajrore të kryera nga Rusia.

Duke theksuar se Shtetet e Bashkuara dhe aleatët e dinë saktësisht se çfarë i nevojitet Ukrainës, Zelensky deklaroi: «Shtetet e Bashkuara e dinë saktësisht se për çfarë kemi nevojë dhe kjo nuk është diçka abstrakte. Bëhet fjalë për shpëtimin e jetëve. Këta janë njerëz të vërtetë, jetë individuale.»

Zelensky theksoi se për ofrimin e mbështetjes në mbrojtje nevojiten vendime politike, duke shtuar: «Nevojitet mbështetje për mbrojtjen ajrore dhe kjo kërkon vendime politike. Si në Evropë, ashtu edhe në vendet e G7.»