Albania News Agency

Presidenti i Ukrainës, Volodymyr Zelensky, bëri deklarata mbi sigurimin e personelit ushtarak nga Rusia dhe bashkëpunimin ushtarak me Korenë e Veriut.

Zelensky tha se Rusia po rrit numrin e personave që rekruton përmes metodave të ndryshme dhe se Moska planifikon të shtojë gjithashtu pjesëmarrjen e shtetasve të huaj në ushtri. Zelensky tha se është e rëndësishme që qeveritë e vendeve nga të cilat Rusia siguron personel ushtarak të ndërmarrin hapa kundër kësaj situate.

Duke thënë se kanë të dhëna të reja për ushtarët koreano-veriorë, Zelensky deklaroi: “Aktualisht në territorin e Rusisë ndodhen më shumë se 8 mijë ushtarë të Koresë së Veriut. Po ashtu po bëhen përgatitje për dislokimin e 10 mijë ushtarëve të tjerë; këta ushtarë po përzgjidhen për trajnim dhe më pas për t’u dërguar në Rusi”.

Zelensky tha gjithashtu se Rusia po i ofron Koresë së Veriut mbështetje teknologjike: “Me mbështetjen teknike të Rusisë, në Korenë e Veriut është ngritur prodhimi i dronëve sulmues të tipit Shahed. Në këtë mënyrë përhapet e keqja dhe kërcënimi ndaj jetës në një pjesë të botës bartet në rajone të tjera. Këtë mund ta kapërcejmë vetëm së bashku”.