Albania News Agency

Sipas lajmit të CCTV; marina e Gardës Revolucionare Islamike të Iranit (IRGC) deklaroi se gjatë 24 orëve të fundit 33 anije kanë kaluar nëpër Ngushticën e Hormuzit.

Në deklaratën e IRGC thuhet se anijet në fjalë përbëheshin nga cisterna nafte, anije tregtare dhe kontejnerësh, dhe se kalimet e tyre u realizuan në koordinim me forcat e tyre dhe me marrjen e lejeve.

Në deklaratë gjithashtu u theksua se anijeve, siguria e të cilave ishte garantuar, iu lejua kalimi përmes ngushticës.

Marina e IRGC njoftoi se në klimën e pasigurisë pas “sulmeve” të Shteteve të Bashkuara të Amerikës (SHBA) kundër Iranit, në Ngushticën e Hormuzit po zbatohet “kontroll inteligjent”.

Zyrtarët iranianë deklaruan se administrimi i ngushticës është një “e drejtë ligjore” për garantimin e sigurisë kombëtare, duke theksuar se tregtia nuk pengohet, por synohet parandalimi i ndërhyrjeve ushtarake.

Zëdhënësi i Komisionit të Sigurisë Kombëtare dhe Politikës së Jashtme të Parlamentit Iranian deklaroi gjithashtu se situata aktuale në ngushticë nuk do të kthehet plotësisht në rendin para luftës.