Albania News Agency

Ministrja e Punëve të Jashtme e Kanadasë, Anita Anand, deklaroi se qeveria kanadeze do të vendosë sanksione ndaj individëve dhe kompanive që qëndrojnë pas sulmeve me raketa kundër Ukrainës. Sanksionet, që synojnë 38 organizata dhe 24 individë, u njoftuan gjatë takimit të ministrave të jashtëm të G7-ës në Paris.

Ndër subjektet e përfshira në sanksione janë projektues të raketave balistike, aktorë që luajnë rol aktiv në operacionet kibernetike ruse, si dhe platforma të këmbimit të kriptomonedhave që ofrojnë mbështetje financiare për autoritetet e Moskës.

Ministrja Anand deklaroi se Kanadaja është e vendosur të vazhdojë rritjen e kostos së këtyre veprimeve derisa Rusia të respektojë sovranitetin dhe integritetin territorial të Ukrainës.