Albania News Agency

Zëdhënësi i Ministrisë së Jashtme të Iranit, Ismail Baqaei, bëri një deklaratë mbi pasojat humanitare dhe globale të operacioneve ushtarake kundër Republikës Islamike të Iranit. Baqaei theksoi se këto sulme nuk janë vetëm një ndërhyrje ushtarake, por edhe një “masakër” kundër popullsisë civile.

Duke folur për situatën, Baqaei tha: «Ky sulm brutal, i pajustifikuar dhe plotësisht i padrejtë kundër Republikës Islamike të Iranit shtrihet shumë përtej fushëbetejës. Ai jehon në tregjet globale, rrit çmimet e energjisë, destabilizon monedhat dhe dobëson fuqinë blerëse të njerëzve të zakonshëm në mbarë botën».

Duke theksuar se sulmet synojnë drejtpërdrejt civilët e pafajshëm, Baqaei përfundoi deklaratën e tij me fjalët: «Për ne iranianët, kostoja është shumë më e lartë: sulmuesit synojnë qëllimisht zonat civile dhe çdo vend ku besojnë se do të shkaktojnë dhimbjen dhe humbjet më të mëdha njerëzore, duke masakruar brutalisht popullin tonë».