Albania News Agency

BE bëri të ditur se ka ndarë 63 milionë euro ndihmë humanitare për të mbështetur komunitetet më të cenueshme në Somali, të prekura nga konfliktet dhe zhvendosjet e vazhdueshme, si dhe nga përkeqësimi i thatësirës dhe rritja e çmimeve të ushqimeve.

Njoftimi u bë në një kohë kur pasiguria ushqimore dhe nivelet e kequshqyerjes të lidhura me thatësirën po rriten me shpejtësi në mbarë vendin, me 6,5 milionë persona që përballen me urinë dhe rreth 1,85 milionë fëmijë nën moshën pesë vjeç në rrezik nga kequshqyerja akute.

Fondi i BE-së do t’i japë përparësi shërbimeve të integruara shëndetësore dhe ushqyese që shpëtojnë jetë, përfshirë trajtimin e kequshqyerjes së rëndë/akute, ndihmën emergjente në para, ujë, sanitacion, mbrojtje dhe arsim emergjent.