Albania News Agency

Ministri i Jashtëm i Lituanisë, Budrys, theksoi se faktet janë të qarta, duke thënë: “Putini nuk ka treguar asnjë interes për paqen. Ai refuzon çdo propozim, shmang negociatat e sinqerta dhe qëndron fort pas kërkesave të tij, të cilat nuk kanë ndryshuar që nga viti 2021.”

Budrys tha se përgjigjja e Rusisë ndaj diplomacisë kanë qenë sulmet me raketa balistike ndaj zonave të banuara nga civilët, si dhe sulmet me dronë Shahed të prodhimit iranian ndaj infrastrukturës energjetike dhe civile në Ukrainë, duke shtuar:

“Le të flasim hapur: pengesa për paqen është Rusia. Çdo qasje që synon qetësimin e agresorit vetëm sa inkurajon më shumë mizori. Sanksione më të forta që do të dobësojnë ekonominë e luftës së Rusisë dhe mbështetje e qëndrueshme për Ukrainën janë rruga që duhet ndjekur.”