Albania News Agency

Kryeministri i Kanadasë, Mark Carney, tha se marrëveshja e tregtisë së lirë e nënshkruar me Indonezinë do të forcojë marrëdhëniet tregtare dhe do të reduktojë ndjeshëm tarifat doganore.

Duke theksuar rëndësinë historike dhe përfitimet ekonomike të marrëveshjes së nënshkruar vitin e kaluar, Carney tha: “Vitin e kaluar Kanadaja nënshkroi një marrëveshje të tregtisë së lirë me Indonezinë, marrëveshja jonë e parë me një vend të ASEAN-it. Pritet që ajo të eliminojë ose të ulë tarifat për 95 për qind të eksporteve kanadeze drejt Indonezisë, e cila ka një popullsi prej më shumë se 280 milionë banorësh.”

Carney theksoi se synojnë të zgjerojnë më tej integrimin ekonomik me rajonin: “Sot unë dhe Prabowo diskutuam se si mund të ndërtojmë mbi këtë marrëveshje dhe të përshpejtojmë negociatat për një marrëveshje më të gjerë të tregtisë së lirë Kanada-ASEAN.”