Albania News Agency

Zëvendëskryeministri dhe Ministri i Jashtëm i Pakistanit, Ishaq Dar, deklaroi se mirëpresin vendimin e Shteteve të Bashkuara (SHBA) për heqjen e të gjitha sanksioneve ndaj Republikës Arabe Siriane.

Dar tha se vendimi do të kontribuojë në rimëkëmbjen dhe rritjen e ekonomisë siriane, ndërsa njëkohësisht do t’i shërbejë paqes dhe stabilitetit rajonal.

Duke përsëritur mbështetjen e palëkundur të Pakistanit për sovranitetin, unitetin dhe integritetin territorial të Sirisë, Dar tha se vendi i tij është i gatshëm të zhvillojë më tej bashkëpunimin dypalësh me Sirinë.

Dar theksoi se Pakistani do të vazhdojë të zgjerojë bashkëpunimin me Sirinë me synimin për të siguruar paqe dhe prosperitet të qëndrueshëm.