Albania News Agency

Forcat Detare të Bullgarisë kryen një mision zbulimi dhe transporti për një mjet ajror pa pilot të gjetur në ujërat e Detit të Zi.

Sipas deklaratës së Ministrisë së Mbrojtjes së Bullgarisë, pas një sinjali dhe kërkese nga Ministria e Brendshme pasditen e 6 shtatorit, një ekip specialistësh u caktua nga Baza Detare e Varnës.

Ekipi u nis për të ekzaminuar mjetin ajror pa pilot të vërejtur 3,5 metra në verilindje të Kepit Kaliakra. Pas punimeve të zbulimit dhe identifikimit, u konstatua se droni ishte i sigurt dhe më pas u transportua në zonën e bazës.

U bë e ditur se ushtarakët vepruan në përputhje me urdhrin e Shefit të Shtabit të Përgjithshëm dhe Komandantit të Forcave Detare.