Albania News Agency

Ministri francez për Çështjet Evropiane, Benjamin Haddad, njoftoi se ndodhet në Kosovë për një vizitë zyrtare dyditore me synimin për të forcuar marrëdhëniet mes Francës dhe Kosovës.

Haddad bëri të ditur se gjatë vizitës do të diskutohen Frankofonia, investimet e Agjencisë Franceze për Zhvillim (AFD), bashkëpunimi në fushën e sigurisë dhe çështje rajonale.

Ai theksoi se vizita u organizua pas takimit të 17 marsit ndërmjet Presidentit francez Emmanuel Macron dhe Kryeministrit të Kosovës Albin Kurti dhe se ajo është pjesë e synimit të Francës për të rritur angazhimin në Ballkanin Perëndimor dhe për të kontribuar në riintegrimin e kontinentit evropian.