Albania News Agency

Sekretari i Përgjithshëm i OKB-së Antonio Guterres bëri një deklaratë lidhur me të drejtat e personave në spektrin e autizmit dhe rëndësinë e pjesëmarrjes së tyre në shoqëri.

Duke theksuar vlerën e personave me autizëm, Guterres tha: “Në këtë Ditë Botërore të Ndërgjegjësimit për Autizmin, ne festojmë dinjitetin dhe vlerën e lindur të të gjithë personave me autizëm. Personat autikë sjellin talente, perspektiva dhe kontribute që e bëjnë botën një vend më të mirë”.

Duke riafirmuar angazhimin për ndërtimin e një shoqërie gjithëpërfshirëse, Guterres deklaroi: “Le të përqafojmë diversitetin tonë dhe të rinovojmë angazhimin për të krijuar një botë më gjithëpërfshirëse për të gjithë”.