Albania News Agency

Sekretari i Përgjithshëm i OKB-së, Guterres, tha se e shqetësojnë raportimet e ditëve të fundit për përdorimin e dhunës nga autoritetet iraniane kundër protestuesve, që kanë rezultuar në vdekje dhe plagosje.

Duke theksuar se liria e shprehjes, liria e organizimit dhe e drejta për tubime paqësore duhet të respektohen dhe të mbrohen plotësisht, Guterres u bëri thirrje autoriteteve iraniane të tregojnë përmbajtje maksimale dhe të shmangin përdorimin e forcës së panevojshme ose joproporcionale.

Guterres rekomandoi ndërmarrjen e hapave për të lehtësuar aksesin në informacion në vend, përfshirë rivendosjen e rrjeteve të komunikimit.