Albania News Agency

Sekretari i Përgjithshëm i OKB-së, Antonio Guterres, iu referua ndjenjës së pafuqisë që krizat globale krijojnë tek individët dhe theksoi se duhet të frymëzohemi nga heronjtë e heshtur që nxisin transformimin shoqëror.

Duke vlerësuar rolin e punonjësve në terren dhe të shoqërisë civile në ndërtimin e paqes, Guterres tha: “Në një botë të tronditur nga konfliktet, është e lehtë të ndihesh i mbingarkuar dhe i pafuqishëm. Megjithatë, rreth nesh ka arkitektë të paqes në jetën e përditshme – nga vullnetarët dhe aktivistët deri te drejtuesit e shoqërisë civile – që na tregojnë se si të veprojmë për t’i transformuar komunitetet tona për mirë.”

Duke iu drejtuar opinionit publik botëror, Guterres e përmbylli mesazhin e tij me fjalët: “Ndërsa fillon numërimi mbrapsht prej 100 ditësh për Ditën e Paqes, le t’i nderojmë këta nxitës të ndryshimit dhe të frymëzohemi nga shembulli i tyre.”