Albania News Agency

Antonio Guterres theksoi se kanë kaluar katër vjet që nga nisja e pushtimit të plotë të Ukrainës nga Rusia, në shkelje të Kartës së OKB-së dhe të drejtës ndërkombëtare. Ai tha: “Kjo luftë shkatërruese mbetet një njollë në ndërgjegjen tonë kolektive dhe vazhdon të përbëjë kërcënim për paqen dhe sigurinë rajonale dhe ndërkombëtare.”

Guterres shtoi se sa më shumë zgjat lufta, aq më vdekjeprurëse bëhet, duke theksuar se barrën e këtij konflikti e mbajnë civilët.

Ai gjithashtu përsëriti thirrjen për një armëpushim të menjëhershëm, të plotë dhe pa kushte si hapi i parë drejt një paqeje të drejtë, të qëndrueshme dhe gjithëpërfshirëse.