Albania News Agency

Ministri i Mbrojtjes i Mbretërisë së Bashkuar John Healey dënoi sulmet e fundit ajrore të Rusisë ndaj Ukrainës.

Duke reaguar ndaj sulmeve dhe duke shprehur ngushëllime për viktimat, Healey tha: “Sulmet pa dallim të Putinit ndaj Ukrainës janë tronditëse. I shpreh ngushëllimet të gjithë atyre që kanë humbur jetën dhe të plagosurve”.

Duke theksuar se Rusia po vazhdon sulmet pavarësisht humbjeve në front, Healey e përmbylli deklaratën: “Në dëshpërimin e tij, Putini vazhdon sulmet e tij të egra, pavarësisht se Ukraina po e bën Rusinë të paguajë një çmim të lartë në fushën e betejës. Mbretëria e Bashkuar do të qëndrojë fort në krah të Ukrainës”.