Albania News Agency

Presidenti i Izraelit Isaac Herzog zhvilloi një bisedë telefonike me Kryeministrin e Kanadasë Mark Carney.

Herzog deklaroi se gjatë bisedës kishte shprehur shqetësimet e tij për përshkallëzimin e situatës në Kanada: “Gjatë bisedës shpreha shqetësimin tim të thellë për rritjen e dhunës antisemitike në Kanada. I bëra thirrje Kryeministrit Carney dhe qeverisë së tij që të trajtojnë ndjenjën e frikës dhe braktisjes që po ndjejnë vëllezërit tanë në komunitetin hebre të Kanadasë, para se të jetë tepër vonë”.

Duke theksuar qëndrimet e përbashkëta dhe vendosmërinë për kërcënimet rajonale dhe operacionet e sigurisë, Presidenti Herzog tha: “Gjatë bisedës sonë ramë dakord se Izraeli ka të drejtë të mbrojë veten. Ripërsërita se po ndërmarrim veprime për të mbrojtur popullin tonë nga kërcënimi terrorist i Iranit dhe përfaqësuesve të tij terroristë në rajon, përfshirë Hezbollahun në Liban”.

Duke tërhequr vëmendjen te e ardhmja e Gazës dhe nevoja që vendimet ndërkombëtare të zbatohen në terren, Presidenti i Izraelit Isaac Herzog deklaroi: “Gjithashtu theksova rëndësinë e zbatimit në Gaza të Rezolutës 2803 të Këshillit të Sigurimit të OKB-së, duke përfshirë çarmatimin e Hamasit dhe krijimin e një qeverie të re në Gaza”.