Albania News Agency

Zëvendëskryeministri dhe Ministri i Jashtëm i Belgjikës, Maxime Prevot, duke ndarë detaje mbi aksidentin, tha: “Këtë mëngjes në Buggenhout ndodhi një përplasje tragjike midis një treni dhe një autobusi shkolle. Katër persona, përfshirë dy fëmijë, humbën jetën”.

Duke falënderuar për mesazhet e mbështetjes nga komuniteti ndërkombëtar dhe duke ndarë dhimbjen e familjarëve të viktimave, ministri Prevot tha: “Dua të falënderoj kolegët e mi nga vendet e tjera që tashmë kanë shprehur solidaritetin e tyre dhe, natyrisht, t’u shpreh ngushëllimet e mia familjeve të viktimave”.

Në fund të mesazhit të tij, Zëvendëskryeministri dhe Ministri i Jashtëm i Belgjikës, Maxime Prevot, përmendi edhe ekipet që ndërhynë në aksident: “Mendimet e mia janë me ta dhe me ekipet e emergjencës që u detyruan të përballen me këtë ngjarje të dhimbshme”.