Albania News Agency

Përfaqësuesja e Lartë e Bashkimit Evropian (BE) për Punët e Jashtme dhe Politikën e Sigurisë, Kaja Kallas, deklaroi se për ta bërë të qëndrueshme armëpushimin mes Izraelit dhe Libanit, duhet të forcohen shteti dhe ushtria libaneze. Në këtë kuadër, BE-ja ka vendosur të ofrojë mbështetje shtesë prej 100 milionë eurosh për Forcat e Armatosura Libaneze.

Duke folur për ndjeshmërinë e situatës në terren dhe rëndësinë e armëpushimit, Kallas tha: “Armëpushimi i fundit mes Izraelit dhe Libanit ofron një mundësi për të shmangur rikthimin në armiqësi të plota. Megjithatë, vdekja e një paqeruajtësi të UNIFIL-it dhe përplasjet e vazhdueshme tregojnë sa e brishtë mbetet marrëveshja.”

Kallas theksoi se institucionet shtetërore duhet të fuqizohen për të përballuar kërcënimet në rajon dhe deklaroi: “Mënyra më e mirë për të zvogëluar kërcënimin që paraqet Hezbollah-u është forcimi i shtetit libanez, fuqizimi i institucioneve të tij dhe rivendosja e monopolit të tij mbi përdorimin e forcës.”

Ajo e përfundoi deklaratën me fjalët: “Për të mbështetur këtë përpjekje, BE-ja sot ra dakord të sigurojë 100 milionë euro shtesë për Forcat e Armatosura Libaneze.”