Albania News Agency

Ministrja e Jashtme e Kanadasë Anita Anand publikoi një deklaratë me shkrim lidhur me sulmet e fundit të Rusisë ndaj Ukrainës.

Anand deklaroi se të paktën 10 civilë, përfshirë fëmijë, humbën jetën në sulme dhe shumë të tjerë u plagosën, duke shtuar se kjo është pjesë e “fushatës së dhunës dhe frikësimit” që Rusia vazhdon kundër popullit ukrainas.

Deklarata theksoi se sulmet ndaj civilëve përbëjnë një shkelje të qartë të së drejtës ndërkombëtare. Gjithashtu u rikujtua se Kanadaja ka vendosur sanksione ndaj më shumë se 4 mijë individëve, organizatave dhe anijeve të lidhura me Rusinë.

Anand shtoi se Kanadaja do të vazhdojë të mbështesë Ukrainën së bashku me aleatët e saj dhe do të vazhdojë përpjekjet diplomatike për një paqe të drejtë, të qëndrueshme dhe gjithëpërfshirëse. Ajo ritheksoi gjithashtu mbështetjen për sovranitetin dhe integritetin territorial të Ukrainës.