Albania News Agency

Në një deklaratë nga Ministria e Punëve të Jashtme të Katarit thuhet se Shteti i Katarit dënon fuqishëm planin e forcave izraelite për të transferuar administrimin dhe kontrollin e Xhamisë Ibrahim nga Ministria Palestinase e Vakëfit dhe Çështjeve Fetare dhe Komuna e Hebronit te Këshilli Fetar Hebre në Kiryat Arba.

Në deklaratë theksohet se Katari e konsideron këtë hap një shkelje të qartë të së drejtës ndërkombëtare dhe rezolutave të OKB-së, si dhe një provokim të qëllimshëm ndaj myslimanëve në mbarë botën.

“Ministria e Punëve të Jashtme riafirmon se Katari refuzon kategorikisht çdo përpjekje për të ndryshuar statusin historik dhe ligjor të Xhamisë Ibrahim dhe vendeve të tjera të shenjta në territoret palestineze të pushtuara. Komuniteti ndërkombëtar ftohet të përmbushë detyrimet morale dhe ligjore duke mbrojtur vendet e shenjta në Palestinë dhe duke ushtruar presion ndaj autoriteteve izraelite të pushtimit që të ndalojnë përpjekjet për të fshirë identitetin e popullit palestinez.”