Albania News Agency

Katari dënoi ashpër sulmin e Iranit ndaj cisternës SIDR, në pronësi të Arabisë Saudite, gjatë kalimit të saj nëpër Ngushticën e Hormuzit, ku pati humbje jete mes anëtarëve të ekuipazhit.

Në një deklaratë të Ministrisë së Jashtme të Katarit thuhet se sulmi përbën shkelje të qartë të rregullave të së drejtës ndërkombëtare, lirisë së lundrimit detar dhe Rezolutës nr. 2817 të Këshillit të Sigurimit të Kombeve të Bashkuara.

Ministria bëri të ditur se kundërshton kategorikisht përdorimin e Ngushticës së Hormuzit si mjet presioni.

Në deklaratë u bë thirrje për rihapjen pa kushte të ngushticës dhe u theksua se liria e kalimit nëpër këtë rrugë ujore jetike është një parim i padiskutueshëm.

U theksua se mbajtja e mbyllur e Ngushticës së Hormuzit vë në rrezik interesat jetike të vendeve të rajonit dhe ekonominë globale.

Ministria e Jashtme e Katarit deklaroi se sulmet e Iranit ndaj pronave të vendeve vëllazërore duhet të ndalen.

Në deklaratë u theksua se Katari është në solidaritet të plotë me Arabinë Saudite dhe mbështet çdo masë që Mbretëria do të marrë për të mbrojtur pronën e saj.