Albania News Agency

Sipas CCTV-së, zëdhënësi i Ministrisë së Jashtme të Kinës, Lin Jian, gjatë një konference për shtyp të mbajtur të hënën në Pekin, bëri deklarata lidhur me shembjen e monumentit në Panama.

Në deklaratë thuhet se monumenti, i ngritur për të përkujtuar 150-vjetorin e mbërritjes së kinezëve në Panama, u shemb nga një administratë lokale.

Lin Jian deklaroi: “Kina e dënon ashpër shembjen e monumentit nga një qeveri lokale në Panama dhe i ka paraqitur tashmë palës panameze protestat e saj”.

Ai shtoi se presidenti i Panamasë, Jose Raul Mulino, e ka dënuar publikisht këtë veprim dhe se Zyra e Presidentit të Panamasë ka urdhëruar rindërtimin e menjëhershëm të monumentit në vendin e tij origjinal.