Albania News Agency

Kryeministri izraelit Benjamin Netanyahu njoftoi se ka zhvilluar një videokonferencë me sipërmarrësin Elon Musk, ku kanë marrë pjesë gjithashtu ministrja e Transportit Miri Regev dhe drejtori i Qendrës Kombëtare të Inteligjencës Artificiale, Erez Eskel.

Netanyahu bëri të ditur se gjatë takimit Musk ka pranuar ftesën për të marrë pjesë në konferencën e transportit inteligjent që do të mbahet në muajin mars.

“Musk pranoi ftesën time dhe ftesën e ministres së Transportit Miri Regev”, u shpreh Netanyahu.

Duke theksuar se janë diskutuar bashkëpunimet aktuale me Tesla, Netanyahu tha: “Diskutuam gjithashtu bashkëpunimet në vazhdim me Tesla dhe rregulloret ligjore lidhur me mjetet autonome”.

Netanyahu e përmbylli deklaratën duke thënë: “Ashtu si në sigurinë kibernetike dhe teknologji të tjera, synojmë ta bëjmë Izraelin lider botëror edhe në fushën e inteligjencës artificiale”.