Albania News Agency

Imazhet e publikuara nga mediat shtetërore tregojnë si Kim Jong Un shqyrton nëndetësën me raketa të drejtuara në një objekt ndërtimi të mbyllur, duke theksuar se ajo ende nuk është lëshuar në det.

Ndërtimi i një nëndetëseje bërthamore ka qenë një qëllim afatgjatë i Kim; ai e shprehu këtë për herë të parë në kongresin e partisë në vitin 2021. Megjithatë, miratimi i fundit nga administrata Trump për Korenë e Jugut për të zhvilluar nëndetëse bërthamore të veta duket se ka i ka dhënë urgjencë planeve të Kim.

Këto lloj anijesh kanë shumë përparësi. Nëse mund të sigurojnë furnizime të mjaftueshme për ekuipazhin, ato mund të qëndrojnë nën ujë për periudha të gjata, madje edhe për vite. Ndërsa shumica e nëndetëseve tradicionale me motorë dizel duhet të dalin në sipërfaqe për të punuar motorët e tyre. Motorët dizel karikojnë bateritë e nëndetëses në mënyrë që ajo të mund të funksionojë në thellësi.

Ato gjithashtu zakonisht janë më të shpejta se nëndetëses tradicionale me motorë të zakonshëm dhe shpesh janë më të qeta. Aktualisht, kjo teknologji është vetëm në duar të SHBA-së, Rusisë, Kinës, Francës, Mbretërisë së Bashkuar dhe Indisë.

Imazhet e publikuara të enjten tregojnë se është arritur përparim i rëndësishëm në zhvillimin e nëndetëses, e cila u njoftua për herë të parë në mars.

Mediat shtetërore raportuan se anija ka një ngarkesë prej 8700 ton, që është afërsisht e barabartë me shumicën e nëndetëseve bërthamore të klasës "Virginia" të flotës së SHBA.