Albania News Agency

Schoof deklaroi se kabineti ka punuar intensivisht muajt e fundit për zbatimin e Programit Qeveritar, por nëse njëra palë nuk ka dëshirë të vazhdojë, nuk mund të ecet më tej së bashku.

Ai shtoi se situata është diskutuar në Këshillin e Ministrave dhe me largimin e PVV-së, ata arritën në përfundimin se nuk ka më mbështetje të mjaftueshme në Dhomën e Përfaqësuesve për këtë kabinet.

“Kjo do të thotë se do të shkoj direkt te Mbreti për të dorëzuar dorëheqjet e ministrave të PVV-së. Ministrat e tjerë do të vazhdojnë përkohësisht detyrat e tyre. Përballë sfidave të mëdha kombëtare dhe ndërkombëtare, na duhet më shumë vendosmëri se kurrë për sigurinë, qëndrueshmërinë dhe ekonominë tonë në një botë që ndryshon me shpejtësi”, u shpreh Schoof.

Schoof bëri të ditur se ka dorëzuar dorëheqjet e ministrave të PVV-së dhe se edhe ministrat e tjerë, përfshirë atë vetë, janë të gatshëm të lënë postin. “Do të vazhdojmë të funksionojmë si një qeveri e përkohshme,” tha ai.