Albania News Agency

Presidentja e Komisionit Evropian Leyen njoftoi se marrëveshja tregtare midis Bashkimit Evropian dhe vendeve të Mercosur ka filluar të zbatohet përkohësisht.

Në deklaratën e saj, von der Leyen theksoi se efektet ekonomike të marrëveshjes kanë filluar të reflektohen, duke thënë:

“Përfitimet janë reale dhe të dukshme që tani. Tarifet doganore po fillojnë të ulen. Kompanitë po fitojnë qasje në tregje të reja. Investitorët kanë parashikueshmërinë që u nevojitet.”

Duke tërhequr vëmendjen te procesi i zbatimit të përkohshëm të marrëveshjes, von der Leyen theksoi se kjo periudhë është e rëndësishme për të parë efektet konkrete:

“Zbatimi i përkohshëm do të tregojë përfitimet konkrete të marrëveshjes dhe do të zbulojë se si trajtohen shqetësimet legjitime.”

Presidentja e Komisionit Evropian gjithashtu theksoi se do të paraqitet një vlerësim i plotë për Parlamentin Evropian dhe shtetet anëtare dhe se mekanizmat e kontrollit demokratik do të vihen në funksion.