Albania News Agency

Kryeministri i Kroacisë, Andrej Plenkovic, zhvilloi një takim me Komisioneren Evropiane për Zgjerimin, Marta Kos.

Plenkovic deklaroi se takimi u zhvillua në kuadër të Konferencës Vjetore të Ambasadorëve të Ministrisë së Punëve të Jashtme dhe Evropiane të Kroacisë, ku morën pjesë gjithashtu konsuj të përgjithshëm, konsuj dhe përfaqësues ushtarakë.

Temën kryesore të takimit e përbënte vazhdimi i procesit të zgjerimit të Bashkimit Evropian.

Gjithashtu u diskutuan situata në Evropën Juglindore dhe rëndësia që vendet kandidate të përmbushin kriteret e nevojshme për të bërë përparim në procesin e anëtarësimit në BE.

Plenkovic theksoi se gjatë takimit u vu në dukje se përparimi i vendeve kandidate në procesin e anëtarësimit lidhet drejtpërdrejt me përmbushjen e kritereve të përcaktuara.