Albania News Agency

Ministri i Jashtëm i Maqedonisë së Veriut, Timço Mucunski, bëri një deklaratë lidhur me sulmet e fundit të Rusisë ndaj Kievit.

Në një postim në rrjetet sociale, Mucunski tha se Ambasada e Lituanisë u dëmtua gjatë sulmit dhe se personeli diplomatik u vu në rrezik.

Duke dënuar sulmin rus, Mucunski tha: “Jemi plotësisht solidarë me Lituaninë dhe Ukrainën.”

Mucunski theksoi se sulmet ndaj civilëve, infrastrukturës kritike dhe misioneve diplomatike janë të papranueshme dhe se veprime të tilla përbëjnë shkelje të së drejtës ndërkombëtare.

Mucunski deklaroi se mbështetja për Ukrainën duhet të vazhdojë me vendosmëri dhe qëndrueshmëri.