Albania News Agency

Presidenti francez Emmanuel Macron njoftoi se zhvilloi një bisedë me kryeministrin spanjoll Pedro Sanchez për shkak të presionit migrator në Ceuta.

Macron tha: “Shpreha solidaritetin tonë me Spanjën për situatën e migracionit në Ceuta dhe ofrova çdo mbështetje të nevojshme, përfshirë përmes Frontex.”

Duke theksuar se falë bashkëpunimit me Marokun më shumë se 40 mijë persona janë kthyer deri tani nga Ceuta në Marok, Macron tha se i ka dhënë ministrit të Brendshëm udhëzime për të forcuar kontrollet në kufirin me Spanjën nëse është e nevojshme.

Macron shtoi se në këtë kuadër janë angazhuar katër njësi të lëvizshme sigurie, avionë dhe mjete ajrore pa pilot, duke deklaruar: “Edhe një herë shpreh solidaritetin tonë me Spanjën, qeverinë dhe popullin e saj.”