Albania News Agency

Kryeministrja e Italisë, Giorgia Meloni, zhvilloi një takim me kryeministrin britanik Keir Starmer në kuadër të Samitit të Komunitetit Politik Evropian, të mbajtur në Dublin.

Meloni njoftoi se gjatë takimit diskutuan marrëdhëniet mes dy vendeve, duke u përqendruar veçanërisht te bashkëpunimi në fushat e sigurisë dhe mbrojtjes. Ajo bëri të ditur gjithashtu se palët shqyrtuan vullnetin e tyre të përbashkët për të forcuar bashkëpunimin strategjik në kuadër të Programit Global të Aviacionit Luftarak (GCAP).

Meloni deklaroi se gjatë takimit u diskutuan edhe zhvillimet e fundit të luftës në Ukrainë dhe theksoi rëndësinë e sigurimit të pjesëmarrjes së plotë të Evropës në negociatat për një paqe të drejtë dhe të qëndrueshme.

Meloni shtoi se në rendin e ditës ishin edhe bashkëpunimi mes Mbretërisë së Bashkuar dhe Bashkimit Evropian, çështjet e sigurisë dhe lufta kundër migracionit të parregullt.