Albania News Agency

OBSH njoftoi se është shënuar përparim në luftën kundër tuberkulozit, por se përpjekjet për t'i dhënë fund kësaj sëmundjeje duhet të përshpejtohen.

Sipas deklaratës së organizatës, incidenca e tuberkulozit është ulur me 14 për qind që nga viti 2015. Megjithatë, kjo shifër mbetet nën objektivin për një ulje prej 50 për qind të përcaktuar për vitin 2025.

Ndërkohë, vdekjet e shkaktuara nga tuberkulozi janë ulur me 35 për qind gjatë së njëjtës periudhë. Me këtë zhvillim, objektivi i parë për uljen e vdekshmërisë në kuadër të Strategjisë së OBSH-së për t'i dhënë fund tuberkulozit u arrit me pesë vjet vonesë.

OBSH njoftoi se që nga viti 2000, trajtimi i tuberkulozit ka shpëtuar jetën e 86 milionë njerëzve, ndërsa vetëm gjatë vitit 2025 sëmundja preku 10,6 milionë persona.

Organizata theksoi se eliminimi i tuberkulozit është i mundur përmes vullnetit politik, investimeve kombëtare dhe kërkimeve shkencore.