Albania News Agency

Ministri i Jashtëm i Ukrainës Sybiha theksoi se numri i vendeve të gatshme për t’u bashkuar me Marrëveshjen e Pjeshme të Zgjeruar për Gjykatën Speciale për Krimin e Agresionit kundër Ukrainës po rritet.

Sybiha deklaroi se tetë vende e kanë miratuar marrëveshjen dhe priten të tjera, duke u bërë thirrje të gjitha vendeve të ndërmarrin këtë hap dhe të mbështesin përpjekjet për përgjegjësi.

Ai theksoi se përmasat e mizorive të kryera gjatë agresionit rus janë të paprecedenta në Evropë që nga Lufta e Dytë Botërore, duke shtuar: “Krimi i agresionit është shkaku themelor i të gjitha këtyre. Duhet të ketë përgjegjësi dhe nuk do të ketë amnisti për kriminelët rusë, përfshirë udhëheqjen më të lartë politike dhe ushtarake të Federatës Ruse.”

Sybiha shtoi se Gjykata Speciale ringjall frymën e Nurembergut, duke thënë: “Zbatimi i saj këtë vit është jetik jo vetëm për të siguruar drejtësi për Ukrainën dhe popullin tonë, por edhe për të forcuar të drejtën penale ndërkombëtare, për të plotësuar përpjekjet e Gjykatës Penale Ndërkombëtare dhe për të parandaluar përsëritjen e krimeve të tilla të tmerrshme në të ardhmen.”