Albania News Agency

Në deklaratën e Ministrisë së Punëve të Jashtme të Ukrainës u theksua se mes të kthyerve ka mbrojtës të zonave kritike dhe se rikthimi i çdo ukrainasi është një çështje parimore.

Sipas njoftimit të ministrisë, pas robërisë ruse, 175 ushtarë ukrainas dhe 7 civilë janë kthyer në shtëpitë e tyre.

Në deklaratë thuhet:

“Mes tyre ka mbrojtës të Centralit Bërthamor të Çernobilit, Mariupolit dhe rajoneve të Donetskut, Luhanskut, Kharkivit, Khersonit, Zaporizhzhias, Sumyt, Kievit dhe Kurskut. Disa prej tyre janë të plagosur.

Falënderojmë të gjitha njësitë ukrainase që ndihmuan në forcimin e fondit tonë të shkëmbimit të të burgosurve, si dhe të gjithë ata në mbarë botën që mbështesin shkëmbimet e të burgosurve! Rikthimi i çdo ukrainasi është një çështje parimore për Ukrainën.”