Albania News Agency

Sipas deklaratës së Ministrisë së Jashtme të Bullgarisë, ministrja e Jashtme Velislava Petrova u takua në Bruksel me zëvendëskryeministrin dhe ministrin e Jashtëm të Italisë Antonio Tajani.

Të dy diskutuan zbatimin e Korridorit 8, transportin, lidhjet energjetike dhe bashkëpunimin në mbrojtje.

Ministri Tajani e uroi homologen bullgare për emërimin në detyrë.

Ndër temat e takimit ishin gjithashtu bashkëpunimi ndërmjet dy vendeve brenda BE-së për të rritur konkurrueshmërinë e ekonomive evropiane dhe ruajtja e financimit dhe rolit të Politikës së Përbashkët Bujqësore dhe Politikës së Kohezionit në Kuadrin e ardhshëm Financiar Shumëvjeçar të BE-së për periudhën 2028–2034.