Albania News Agency

Ministri i Punëve të Jashtme të Maqedonisë së Veriut, Timço Mucunski, njoftoi se së bashku me drejtorin e Drejtorisë TIDZ, Goce Dimovski, zhvilloi një takim pune me drejtuesit e Macedonia2025.

Duke iu referuar pikave kryesore të rendit të ditës së takimit, Mucunski tha: “U diskutuan aktivitete të përbashkëta për nxitjen e eksportit dhe tërheqjen e investimeve. Gjatë vizitave zyrtare u përqendruam në forumet e biznesit dhe rolin e diasporës”.

Duke theksuar se u vlerësuan mundësitë e diplomacisë ekonomike dhe bashkëpunimit, ministri Mucunski e përmbylli deklaratën e tij me fjalët: “Ne shqyrtuam se si misionet tona diplomatike mund të mbështesin rrjetet e biznesit dhe qasjen në tregje”.