Albania News Agency

Ministri i Punëve të Jashtme i Maqedonisë së Veriut, Timço Mucunski, bëri të ditur se sot në Shkup, së bashku me Ministrin e Financave të Sllovakisë, Ladislav Kamenicky, hapi Forumin Ekonomik dhe të Biznesit midis dy vendeve.

Mucunski theksoi se forumi konfirmoi interesin e fortë të kompanive maqedonase dhe sllovake për thellimin e bashkëpunimit tregtar dhe investues, duke shtuar:

“U fokusuam në ndërveprimin praktik ekonomik, lidhjet e drejtpërdrejta të biznesit dhe mundësitë konkrete të bashkëpunimit. Theksova angazhimin tonë për krijimin e një mjedisi të parashikueshëm që mbështet investimet dhe rritjen e eksporteve, si dhe diplomacinë ekonomike.”