Albania News Agency

Ministri i Punëve të Jashtme i Maqedonisë së Veriut, Timco Mucunski, njoftoi se zhvilloi një takim shumë të mirë me ambasadorin e Suedisë në Maqedoninë e Veriut, Ola Sohlström.

Mucunski theksoi zhvillimin pozitiv të vazhdueshëm në marrëdhëniet dypalëshe dhe përparimin e fortë në dialogun politik, bashkëpunimin ekonomik dhe diplomacinë parlamentare dhe shtoi:

“U ra dakord që kjo dinamikë pozitive të vazhdojë, me theks të veçantë në forcimin e bashkëpunimit ekonomik. Diskutuam procesin tonë të integrimit në BE dhe shprehëm mirënjohjen për mbështetjen e qëndrueshme dhe të fuqishme të Suedisë për rrugën tonë evropiane.”